MICIO TEMPORE

DON LITTERIU

( continua )

Da tempu immemorabili

non cc'era documentu

in cui lu nostru populu facissi

insurgimentu.

Sempri mansuetu e docili,

summissu, obbedienti,

purtava lu so caricu

da sceccu pazienti.

Quantunqui cci pruìssiru

lignati 'ntra li costi,

mai persi la pacenzia a corpa

accussì tosti.

Risugghia o pagghia fetida,

basta ca di mangiari aveva;

e fu mutanguru, né vosi mai

arragghiari.

Mai desi pri disfiziu

né cauci né tistati;

e pizzicava st’asinu

di vera asinitati.

Ma la virtù ha soi limiti;

lu sceccu è un animali ch'à

comu l'autri bestii

l'affetti soi brutali.

Chi si stizzatu in ultimu

signu, e chi già la musca cci

afferra a li testiculi,fa testa,

e l’occhi 'nfusca.

Sbalanza avvé di cauci la

cinga e lu varduni,li vertuli

e lu carricu ccu tuttu

lu patruni.

Quannu nni forzi a

rumpiri li mutui legami, chi

non fai fari all'omini, di pani

o sacra fami!

E tali è di Catania

lu populu, chi senti di fami

e di penuria li spruni

violenti.